ന്യൂഡല്ഹി: 2030 ഓടെ ഇന്ത്യ ലോകത്തെ മൂന്നാമത്തെ സാമ്പത്തിക ശക്തിയാകുമെന്ന് മാര്ക്കറ്റിംഗ് റിസര്ച്ച് സ്ഥാപനമായ ഐ.എച്ച്.എസ് മാര്ക്കിറ്റിന്റെ റിപ്പോര്ട്ട്. ജപ്പാനെ മറികടന്ന് ഏഷ്യയിലെ രണ്ടാമത്തെ വലിയ സാമ്പത്തിക ശക്തിയാവുമെന്നും റിപ്പോര്ട്ടില് പറയുന്നു.
നിലവില് ഇന്ത്യ ലോകത്തെ ആറാമത്തെ സമ്പദ് വ്യവസ്ഥയാണ്. യുഎസ്, ചൈന, ജപ്പാന്, ജര്മനി, യു.കെ എന്നിവയാണ് ഇന്ത്യയ്ക്കു മുന്നിലുള്ളത്. ജര്മനിയെയും ബ്രിട്ടനെയും മറികടന്നാണ് ഇന്ത്യ പുതിയ നേട്ടം സ്വന്തമാക്കുന്നത്.
ഇന്ത്യന് സമ്പദ് വ്യവസ്ഥയുടെ വലിപ്പം ഇപ്പോഴത്തെ 2.7 ലക്ഷം കോടിയില്നിന്ന് 2030ല് 8.4 ലക്ഷം കോടി ആവുമെന്നും മാര്ക്കിറ്റ് പറയുന്നു. അടുത്ത ദശകത്തില് ലോകത്തിലെ ഏറ്റവും വേഗത്തില് വളരുന്ന സമ്പദ് വ്യവസ്ഥയായിരിക്കും ഇന്ത്യയുടേതെന്നും റിപ്പോര്ട്ടില് പറയുന്നു.