ന്യൂഡൽഹി: ഇന്ത്യയുടെ വളർച്ച താഴ്ന്നതിന് പിന്നാലെ തന്നെ മൂഡീസും ഇന്ത്യയുടെ വളർച്ച പ്രതീക്ഷ താഴ്ത്തി. നേരത്തെ 2019-20 ലെ ഇന്ത്യൻ ജിഡിപി വളർച്ച 5.8 ശതമാനമാകുമെന്നായിരുന്നു പ്രവചിച്ചത് ഇപ്പോൾ 5.6 ശതമാനമായാണ് താഴ്ന്നത്.
സർക്കാർ എടുത്ത നടപടികൾ വിൽപനമാന്ദ്യത്തിനു പരിഹാരം കാണില്ലെന്നും മൂഡീസ് ഇൻവെസ്റ്റേഴ്സ് സർവീസ് വിലയിരുത്തിയിട്ടുണ്ട്. ഇതിന്റെ പ്രധാന പ്രശ്നം സമ്പദ്ഘടനയിലെ ഉപഭോഗ ആവശ്യം കുറഞ്ഞതാണ്. ഉപഭോക്താക്കളുടെ പക്കൽ ചെലവഴിക്കാനുള്ള പണം കൂട്ടിയാലേ ഈ പ്രശ്നത്തിനു പരിഹാരമാകുക.
ജനങ്ങളുടെ കൈയിൽ പണം കൂട്ടാനുള്ള നടപടികളല്ല കേന്ദ്രസർക്കാരിൽ നിന്നുണ്ടായതെന്നും മൂഡീസ് അഭിപ്രായപ്പെട്ടു.
റിസർവ് ബാങ്ക്, ഐഎംഎഫ്, ഫിച്ച് റേറ്റിംഗ്സ്, ഒഇസിഡി, സ്റ്റേറ്റ് ബാങ്ക് ഓഫ് ഇന്ത്യ, നോമുറ തുടങ്ങിയ മറ്റ് അനവധി സ്ഥാപനങ്ങളും ഇന്ത്യയുടെ വളർച്ചാപ്രതീക്ഷ ഗണ്യമായി താഴ്ത്തിയിരുന്നു.
