ന്യൂഡല്ഹി: ചൈനീസ് സൈന്യം അംഗബലം വര്ധിപ്പിച്ചതിന് പിന്നാലെ ലഡാക്കില് ഇന്ത്യയും സൈനിക ബലം വര്ധിപ്പിച്ചു. തന്ത്രപ്രധാനമായ ദൗലത് ബേഗ് ഓള്ഡിയിലെ പാലത്തിന് സമീപമുള്ള ഇന്ത്യയുടെ സൈനിക പോസ്റ്റിന് സമീപമാണ് കൂടുതല് സൈനികരെ ഇന്ത്യ വിന്യസിച്ചിരിക്കുന്നത്.
ചൈനീസ് സൈന്യത്തെ ഇന്ത്യയുടെ മണ്ണിലേക്ക് പ്രവേശിക്കാന് അനുവദിക്കാതെ ചൈനീസ് വെല്ലുവിളിയെ ”കരുത്തും സംയമനവും” നേരിടുകഎന്ന ലക്ഷ്യത്തോടെയാണ് സൈന്യത്തിന്റെ നീക്കം. പ്രധാനമന്ത്രി നരേന്ദ്ര മോദിയുടെ അധ്യക്ഷതയില് ദേശീയ സുരക്ഷാ ഉപദേഷ്ടാവ് അജിത് ഡോവലുമായും സംയുക്ത സേനാ മേധാവി ജനറല് ബിപിന് റാവത്തുമായും കൂടിക്കാഴ്ച നടത്തിയതിന് തൊട്ടുപിന്നാലെയാണ് ഇന്ത്യന് സൈന്യം ചൈനീസ് അതിര്ത്തിയില് സേനവിന്യാസം ശക്തമാക്കിയ വാര്ത്തകള് പുറത്തുവന്നിരിക്കുന്നത്.
നിയന്ത്രണ രേഖയില് നിലവില് തുടരുന്ന മാനദണ്ഡങ്ങളില് മാറ്റം വരുത്താന് അനുവദിക്കില്ലെന്നും സൈനിക വൃത്തങ്ങള് അറിയിച്ചു.