ഇസ്ലാമാബാദ്:ഇന്ത്യ മിന്നലാക്രമണം നടത്തിയെന്ന് സ്ഥിതീകരിച്ച് പാക്കിസ്ഥാന്. പാക്കിസ്ഥാന് വിദേശകാര്യ മന്ത്രി ഷാ മുഹമ്മദ് ഖുറേഷിയാണ് ഇക്കാര്യം സ്ഥിരീകരിച്ചത്. പാക്കിസ്ഥാന്റെ ഭാഗത്തുനിന്നും ആദ്യമായാണ് ഔദ്യോഗിക സ്ഥിരീകരണം ഉണ്ടാകുന്നത്. പുല്വാമ അക്രമണത്തിന് തിരിച്ചടിയായി ഇന്ന് പുലര്ച്ചെ 3.45 ഓടെയാണ് ഇന്ത്യന് വ്യോമ സേന പാക്കിസ്ഥാന് ഭീകര ക്യാമ്പുകള്ക്കെതിരെ അക്രമണം നടത്തിയത്.
‘ഇന്ത്യ ഇത്തരത്തില് എന്തെങ്കിലും ചെയ്യുമെന്ന് നേരത്തെ ലോകത്തോട് പാക്കിസ്ഥാന് പറഞ്ഞിരുന്നു’ ഇന്ന് അവര് അത് ചെയ്തിരിക്കുന്നു’ ഖുറേഷി പറഞ്ഞു. ഇതിന് പാക്കിസ്ഥാന് തിരിച്ചടി നല്കും. സ്വയം പ്രതിരോധത്തിനു പാക്കിസ്ഥാന് അവകാശമുണ്ടെന്നും’ ഷാ ഖുറേഷ് അറിയിച്ചു. ഇതിനിടെ പാക്കിസ്ഥാന് പ്രധാനമന്ത്രി ഇമ്രാന് ഖാന് അടിയന്തര കാബിനറ്റ് യോഗം വിളിച്ചുചേര്ത്തിട്ടുണ്ട്. ഇന്ത്യന് മിന്നലാക്രമണം സംബന്ധിച്ച വിവരങ്ങള് ചര്ച്ച ചെയ്യുന്നതിനും സ്ഥിതിഗതികള് വിലയിരുത്തുന്നതിനുമാണ് യോഗം വിളിച്ചുചേര്ത്തിരിക്കുന്നത്.