കൊച്ചി: ഇന്ന് മുതല് താന് സ്വതന്ത്ര സംവിധായകനാണ്. ജോലി ചെയ്യരുതെന്ന് ആരും പറയരുതെന്നും കലാകാരന്മാരുടെ ആത്മാഭിമാനം ചോദ്യം ചെയ്യരുതെന്നും സംവിധായകന് ലിജോ ജോസ് പെല്ലിശേരി. പ്രൊഡ്യൂസേഴ്സ് അസോസിയേഷനെയും ഫിലിം ചേംബറിനെയും പരോക്ഷമായി വിമര്ശിച്ച് ലിജോ ജോസ് പെല്ലിശ്ശേരി പറഞ്ഞു. ഇഷ്ടമുള്ള പ്ലാറ്റ്ഫോമില് സിനിമപ്രദര്ശിപ്പിക്കുമെന്നും ലിജോജോസ് പെല്ലിശ്ശേരി വ്യക്തമാക്കി.
സിനിമാ ചിത്രീകരണവുമായി ബന്ധപ്പെട്ട തര്ക്കത്തിനിടെ പുതിയ സിനിമയുടെ പോസ്റ്റര് ലിജോ പുറത്തുവിട്ടിരുന്നു. എ എന്നാണ് സിനിമയുടെ പേര്. ജൂലായ് ഒന്നിന് ചിത്രീകരണം ആരംഭിക്കുമെന്നും ലിജോ ഫേസ്ബുക്ക് അക്കൗണ്ടിലൂടെ അറിയിച്ചിരുന്നു. മറ്റ് വിവരങ്ങള് പുറത്തുവിട്ടിട്ടില്ല. കഴിഞ്ഞ ദിവസം ‘ഞാനൊരു സിനിമ പിടിക്കാന് പോകുവാ ആരാടാ തടയാന്’ എന്ന ലിജോയുടെ ഫേസ്ബുക്ക് കുറിപ്പ് ചര്ച്ചയായിരുന്നു.