തിരുവനന്തപുരം : സംയോജിത ശിശുവികസന പദ്ധതിയുടെ ഭാഗമായി സംസ്ഥാനത്തെ വിരമിച്ച അങ്കണവാടി ജീവനക്കാരുടെ പെന്ഷന് തുക വര്ധിപ്പിച്ചതായി മന്ത്രി കെകെ ശൈലജ.
അങ്കണവാടി വര്ക്കര്മാരുടെ പ്രതിമാസ പെന്ഷന് തുക 1000ല് നിന്നും 2,000 രൂപയും ഹെല്പ്പര്മാരുടെ പ്രതിമാസ പെന്ഷന് തുക 600ല് നിന്നും 1,200 രൂപയുമായാണ് വര്ധിപ്പിച്ചത്.
നേരത്തെ, അങ്കണവാടി വര്ക്കര്മാരുടെ പ്രതിമാസ പെന്ഷന് 500 രൂപയും ഹെല്പ്പര്മാരുടേത് 300 രൂപയും ആയിരുന്നു. നിലവിലെ പെന്ഷന് തുകയുടെ 100 ശതമാനമാണ് വര്ധനവ് വരുത്തിയത്. ഇതോടെ അങ്കണവാടി ജീവനക്കാരുടെ പെന്ഷന് തുകയുടെ 200 ശതമാനം വര്ധനവാണ് വരുത്തിയിരിക്കുന്നത്.