റിയാദ്: സൗദി അറേബ്യയിലെ പൊതു, സകാര്യ സ്ഥാപനങ്ങളില്‍ ഓഗസ്റ്റ് ഒന്നു മുതല്‍ കൊവിഡ് വാക്‌സിന്‍ സ്വീകരിച്ചവര്‍ക്ക് മാത്രമായിരിക്കും പ്രവേശനം അനുവദിക്കുകയെന്ന് മുന്‍സിപ്പല്‍, ഗ്രാമകാര്യ, ഭവന മന്ത്രാലയം അറിയിച്ചു.
വാക്‌സിന്‍ എടുക്കാത്തവരെ മാളുകള്‍, റെസ്‌റ്റോറന്റുകള്‍, കടകള്‍, മാര്‍ക്കറ്റുകള്‍ എന്നിവിടങ്ങളില്‍ പ്രവേശിപ്പിക്കില്ല. ഈ സ്ഥലങ്ങളില്‍ പോകുമ്പോള്‍ വാക്‌സിന്‍ സ്വീകരിച്ചതിന്റെ രേഖ ഹാജരാക്കണമെന്ന് മന്ത്രാലയം വ്യക്തമാക്കി. പൊതുജനാരോഗ്യം സംരക്ഷിക്കുന്നതിന്റെ ഭാഗമായുള്ള ശ്രമങ്ങള്‍ തുടരുകയാണെന്ന് മന്ത്രാലയം കൂട്ടിച്ചേര്‍ത്തു.
