മുംബൈ: മഹാരാഷ്ട്രയിൽ മഹാവികാസ് അഖാഡി സഖ്യം മന്ത്രിസഭ ഇന്ന് രാജിവച്ചേക്കും. വിമത നീക്കം ശക്തമായി തുടരുന്ന സാഹചര്യത്തിലാണ് സർക്കാർ രാജിവെക്കാനൊരുങ്ങുന്നത്. ടൂറിസം മന്ത്രി എന്ന ടൈറ്റിൽ ആദിത്യ താക്കറെ തന്റെ ട്വിറ്റർ പ്രൊഫൈലിൽ നിന്നും നീക്കംചെയ്തു. ഏകനാഥ് ഷിന്ഡേക്കൊപ്പം ശിവസേനയുടെ 33 എംഎല്എമാരുണ്ടെന്നാണ് വിലയിരുത്തല്. ഈ സാഹചര്യത്തില് സര്ക്കാരിന് ഭൂരിപക്ഷം നിലനിര്ത്താനാവശ്യമായ 145 അംഗങ്ങളുടെ പിന്തുണ ഉണ്ടാകില്ലെന്നാണ് സൂചന.
ഏ ഐ സിസി നിരീക്ഷകന് കമല്നാഥ് മുംബൈയിലെത്തി കോണ്ഗ്രസ് എംഎല്എമാരുമായി ചര്ച്ച നടത്തുന്നുണ്ട്. ശരദ് പവാര് എന് സി പി നേതാക്കളുമായും ചര്ച്ച നടത്തുന്നുണ്ട്. ഇന്നുച്ച തിരിഞ്ഞ് പ്രത്യേക മന്ത്രിസഭ യോഗം ചേരും. ഇതിനു ശേഷം ഉദ്ധവ് താക്കറെ ശരദ് പവാറുമായും കമല്നാഥുമായും ചര്ച്ച നടത്തും. മന്ത്രിസഭ രാജിവച്ചേക്കുമെന്നാണ് സൂചന.