ഇസ്ലാമബാദ്: പാക്കിസ്ഥാന് പ്രധാനമന്ത്രിയായി തെഹ്റീക്-ഇ-ഇന്സാഫ് പാര്ട്ടി(പിടിഐ) നേതാവ് ഇമ്രാന്ഖാന് ഉടന് സത്യപ്രതിജ്ഞ ചെയ്യും. ഓഗസ്റ്റ് 11നാണ് സത്യപ്രതിജ്ഞാ ചടങ്ങുകള് നടക്കുക.
തെരഞ്ഞെടുപ്പില് ഇമ്രാന് ഖാന്റെ പിടിഐ 116 സീറ്റകളാണ് നേടിയത്. ഒറ്റയ്ക്കു ഭൂരിപക്ഷമില്ലാത്തതിനാല് ചെറുകക്ഷികളുമായി ചേര്ന്ന് മുന്നണി സര്ക്കാരുണ്ടാക്കാനുള്ള നീക്കത്തിലാണ് ഇമ്രാന് ഖാന്. ദേശീയ അസംബ്ലിക്കൊപ്പം തെരഞ്ഞെടുപ്പ് നടന്ന ഖൈബര് പക്തുന്ക്വയിലേക്ക് നടന്ന തെരഞ്ഞെടുപ്പിലും പിടിഐ അധികാരം പിടിച്ചെടുത്തിരുന്നു. ഇവിടുത്തെ മുഖ്യമന്ത്രിയെ രണ്ട് ദിവസത്തിനുള്ളില് പ്രഖ്യാപിക്കുമെന്നാണ് ഇമ്രാന് ഖാന് വ്യക്തമാക്കിയത്. സത്യപ്രതിജ്ഞ വന് ആഘോഷമാക്കാനുള്ള നീക്കത്തിലാണ് ഇമ്രാന് ഖാന്റെ പാര്ട്ടി.