ഹുവാവേ മേറ്റ് 30 ഇ പ്രോ സ്മാര്ട്ഫോണ് അവതരിപ്പിച്ചു. സ്പേസ് സില്വര്, എമറാള്ഡ് ഗ്രീന്, കോസ്മിക് പര്പ്പിള്, ബ്ലാക്ക് എന്നീ നാല് വ്യത്യസ്ത കളര് ഓപ്ഷനുകളിലും ഈ സ്മാര്ട്ട്ഫോണ് വരുന്നു. ലെതര് ഫിനിഷിനൊപ്പം രണ്ട് അധിക ഷേഡുകളും വരുന്നു.
ആന്ഡ്രോയിഡ് 10 അടിസ്ഥാനമാക്കി വരുന്ന ഈഎംയുഐ 11ല് പ്രവര്ത്തിക്കുന്ന ഡ്യുവല് സിം (നാനോ) ഹുവാവേ മേറ്റ് 30 ഇ പ്രോ, 20:9 ആസ്പെക്ടറ്റ് റേഷിയോടു കൂടി 6.53 ഇഞ്ച് ഫുള് എച്ച്ഡി + (1,176×2,400 പിക്സല്) ഒഎല്ഇഡി ഡിസ്പ്ലേ അവതരിപ്പിക്കുന്നു. 14-കോര് മാലി-ജി 76 ജിപിയു, 8 ജിബി റാം എന്നിവയ്ക്കൊപ്പം ഹൈസിലിക്കണ് കിരിന് 990 ഇ SoC പ്രോസസറാണ് ഈ സ്മാര്ട്ട്ഫോണിന്റെ കരുത്ത്.
എഫ് / 1.8 അള്ട്രാ-വൈഡ് ആംഗിള് ലെന്സുള്ള 40 മെഗാപിക്സല് പ്രൈമറി സെന്സര്, എഫ് / 1.6 വൈഡ് ആംഗിള് ലെന്സുള്ള 40 മെഗാപിക്സല് സെക്കന്ഡറി സെന്സര്, ഒപ്റ്റിക്കല് ഇമേജ് സ്റ്റെബിലൈസേഷന് (ലൈക ഒപ്റ്റിക്സ് സജ്ജീകരിച്ച ക്വാഡ് റിയര് ക്യാമറ സെറ്റപ്പ് എന്നിവയുണ്ട്. ഒപ്പം, എഫ് / 2.4 ലെന്സും ഒഐഎസ് പിന്തുണയുമുള്ള 8 മെഗാപിക്സല് ടെര്ഷ്യറി സെന്സറും വരുന്നു. മുന്വശത്ത് 32 മെഗാപിക്സല് ക്യാമറ സെന്സറുമായി ഹുവാവേ മേറ്റ് 30 ഇ പ്രോ വരുന്നു. മുന്വശത്തെ ക്യാമറ സെന്സറില് ഒരു എഫ് / 2.0 ലെന്സ് ഉണ്ട്, 3 ഡി ഡെപ്ത് സെന്സറുമായി ഇത് ജോടിയാക്കുന്നു.
മൈക്രോ എസ്ഡി കാര്ഡ് വഴി 256 ജിബി വരെ വികസിപ്പിക്കാവുന്ന 128 ജിബി, 256 ജിബി സ്റ്റോറേജ് ഓപ്ഷനുകളിലാണ് ഹുവാവേ മേറ്റ് 30 ഇ പ്രോ വരുന്നത്. 5 ജി, 4 ജി എല്ടിഇ, വൈ-ഫൈ 802.11 എസി, ബ്ലൂടൂത്ത് വി 5.1, ജിപിഎസ് / എ-ജിപിഎസ്, ഇന്ഫ്രാറെഡ് (ഐആര്), എന്എഫ്സി, യുഎസ്ബി ടൈപ്പ്-സി പോര്ട്ട് എന്നിവ കണക്റ്റിവിറ്റി ഓപ്ഷനുകളില് ഉള്പ്പെടുന്നു.
ഇന്-ഡിസ്പ്ലേ ഫിംഗര്പ്രിന്റ് സെന്സറും ഇതില് ഉണ്ട്. മേറ്റ് 30 ഇ പ്രോയില് 4,500 എംഎഎച്ച് ബാറ്ററിയാണ് ഹുവായ് നല്കിയിരിക്കുന്നത്.