അഭിനയ രംഗത്ത് നിന്ന് കുറച്ച് കാലമായി മാറി നില്ക്കുകയായിരുന്നു ബോളിവുഡ് താരം ഹൃത്വിക്ക് റോഷന്. ഇപ്പോള് വീണ്ടും അഭിനയ രംഗത്തേക്ക് തിരിച്ച് എത്താനൊരുങ്ങുകയാണ്. ഫിറ്റ്നസിന്റെ കാര്യത്തില് ശ്രദ്ധേയനായ അദ്ദേഹം കുറച്ചുകൂടി കരുത്താനായാണ് വീണ്ടും എത്തുന്നത്.
വലത് കാലിലെ ഡിസ്ക് തെറ്റുകയും ലിഗമെന്റ് പൊട്ടുകയും ചെയ്തതോടെയാണ് താരം അഭിനയത്തില് നിന്നും മാറി നിന്നത്. കഴിഞ്ഞ എട്ട് മാസക്കാലയളവില് തന്റെ പുതിയ ചിത്രത്തിനായുള്ള ഒരുക്കത്തിലായിരുന്നു ഹൃത്വിക്. ടൈഗര് ഷറോഫ്, വാണി കപൂര് എന്നിവര്ക്കൊപ്പമാണ് അദ്ദേഹത്തിന്റെ പുതിയ ചിത്രം.
പരുക്കുകളില് നിന്നും തിരിച്ചു കയറാന് കഠിനമായ ദിനചര്യകളാണ് ഹൃത്വിക് പിന്തുടരുന്നത്. ഇതോടെ താരം ഇന്സ്റ്റഗ്രാമില് പങ്ക് വച്ചിരിക്കുന്ന ചിത്രങ്ങള് വൈറലായിരിക്കുകയാണ്.