വാവെയ് ഓണര്‍ സീരീസിലെ ഫ്‌ലാഗ്ഷിപ്പ് മോഡല്‍ 10ന്റെ GT പതിപ്പ് അവതരിപ്പിച്ചു. 8 ജിബി റാം, ജിപിയു ടര്‍ബോ സാങ്കേതികത എന്നിവയാണ് ഈ മോഡലിന്റെ പ്രത്യേകതകള്‍.
ഹോണര്‍ 10ന് 5.85 ഇഞ്ച് FHD + ഐപിഎസ് ഡിസ്‌പ്ലേയാണുളളത്. 19:9 അനുപാതത്തില്‍ ഫോണിന്റെ മുകളിലായി ഒരു നോച്ചും ഉണ്ട്. ഇപ്പോള്‍ അവതരിപ്പിക്കുന്ന മിക്ക സ്മാര്‍ട്ട്ഫണുകളിലും നോച്ചിന് പ്രാധാന്യം നല്‍കിയിരിക്കുകയാണ് കമ്പനികള്‍. നോച്ച് ഉള്‍പ്പെടുത്തിയ ഫോണുകളില്‍ ഉയര്‍ന്ന സ്‌ക്രീന്‍ ടൂ ബോഡി റേഷ്യോ ആയിരിക്കും.
ഗ്ലാസ് ഡിസൈനില്‍ രൂപകല്‍പന ചെയ്തിരിക്കുന്ന ഈ ഫോണിന് പ്രീമിയം ലുക്കാണ്. ഫ്‌ളാഗ്ഷിപ്പ് തലത്തിലുളള ക്യാമറ ശേഷിയാണ് ഹോണര്‍ 10ന്. ഡ്യുവല്‍ ക്യാമറ സെറ്റപ്പാണ്, അതായത് 24എംപി, 16എംപി ക്യാമറകള്‍. സെല്‍ഫിക്ക് മിഴിവ് പകരാന്‍ 24എംപി മുന്‍ ക്യാമറയും ഫോണില്‍ ഒരുക്കിയിരിക്കുന്നു. മുന്‍ ക്യാമറയില്‍ ഫേസ് അണ്‍ലോക്ക് സവിശേഷതയും ഉണ്ട്.
