രാജ്യത്തെ ഏറ്റവും മികച്ച വില്പ്പനയുള്ള സ്കൂട്ടറായ ആക്ടിവയുടെ ഓള് ഇലക്ട്രിക് പതിപ്പിനെ ഹോണ്ട പുറത്തിറക്കും എന്ന അഭ്യൂഹങ്ങള് നേരത്തെ പുറത്തുവന്നിരുന്നു. എന്നാല് ഈ വാര്ത്ത തള്ളിയിരിക്കുകയാണ് ഹോണ്ട. ഇലക്ട്രിക് സ്കൂട്ടര് വിപണിയില് ഭാവിയില് ആക്ടിവയുടെ ഇലക്ട്രിക് മോഡല് പ്രതീക്ഷിക്കേണ്ടന്ന് ഹോണ്ട മോട്ടോര്സൈക്കിള് & സ്കൂട്ടര് ഇന്ത്യയുടെ എംഡിയും പ്രസിഡന്റും സിഇഒയുമായ അറ്റ്സുഷി ഓഗറ്റ സ്ഥിരീകരിച്ചു.
ബാറ്ററി സിസ്റ്റങ്ങളുടെ വില നിര്ണയം കുറയുകയും ഇന്ഫ്രാസ്ട്രക്ചര് ചാര്ജ് ചെയ്യുന്നത് കൂടുതല് കാര്യക്ഷമമാവുകയും ചെയ്യുന്നതുവരെ കാത്തിരിക്കാനാണ് ഹോണ്ട ലക്ഷ്യമിടുന്നത്. എന്നിരുന്നാലും ഉയര്ന്ന ഇലക്ട്രിക് ഇരുചക്രവാഹന സാങ്കേതികവിദ്യകള് കമ്പനി പരീക്ഷിച്ചേക്കാം.
അതായത് അന്താരാഷ്ട്ര വിപണികളില് ലഭ്യമായ PCX ഇലക്ട്രിക്കിനെ ഇന്ത്യന് വിപണിയിലേക്ക് കൊണ്ടുവന്നേക്കാമെന്ന് ചുരുക്കം. ജപ്പാനില് ഒരു ലീസിംഗ് പദ്ധതിയിലൂടെ മാത്രമേ ഇവി ലഭ്യമാകൂ.