ഇരുചക്ര വാഹന ബ്രാന്‍ഡായ ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യ ഒബിഡി2എ കംപ്ലയിന്റ് 2023 സിബി300ആര്‍ നിയോ സ്പോര്‍ട്സ് കഫേ റോഡ്സ്റ്റര്‍ രാജ്യത്ത് അവതരിപ്പിച്ചു. പേള്‍ സ്പാര്‍ട്ടന്‍ റെഡ്, മാറ്റ് മാസിവ് ഗ്രേ മെറ്റാലിക് എന്നീ രണ്ട് നിറങ്ങളില്‍ ഈ മോട്ടോര്‍സൈക്കിള്‍ എത്തും. 2.40 ലക്ഷം രൂപ (എക്‌സ്-ഷോറൂം, ദില്ലി) വിലയുള്ള 2023 ഹോണ്ട സിബി 300ആര്‍ ഇപ്പോള്‍ ബിഗ്വിംഗ് ഡീലര്‍ഷിപ്പ് നെറ്റ്വര്‍ക്കില്‍ ബുക്കിംഗിനായി ലഭ്യമാണ്. 2023 ഹോണ്ട സിബി 300ആര്‍ സ്‌റ്റൈലിംഗ് റെട്രോ-തീം സിബി 1000 ആര്‍ ലിറ്റര്‍-ക്ലാസ് റോഡ്സ്റ്ററില്‍ നിന്ന് പ്രചോദനം ഉള്‍ക്കൊണ്ടതാണ്.
നിയോ സ്പോര്‍ട്സ് കഫേയില്‍ മസ്‌കുലര്‍ ഇന്ധന ടാങ്കും ബീഫ് അപ്സ്വെപ്റ്റ് എക്സ്ഹോസ്റ്റും ഉണ്ട്. വൃത്താകൃതിയിലുള്ള എല്‍ഇഡി ഹെഡ്ലാമ്പ്, എല്‍ഇഡി വിങ്കറുകള്‍, എല്‍ഇഡി ടെയില്‍ ലാമ്പ് എന്നിവയുമായാണ് മോട്ടോര്‍സൈക്കിള്‍ വരുന്നത്. പൂര്‍ണ്ണമായും ഡിജിറ്റല്‍ ഇന്‍സ്ട്രുമെന്റ് ക്ലസ്റ്ററും ഉണ്ട്. ഇതിന് ഇപ്പോള്‍ എമര്‍ജന്‍സി സ്റ്റോപ്പ് സിഗ്‌നലും ഹസാര്‍ഡ് ലൈറ്റ് സ്വിച്ചും ലഭിക്കുന്നു.
2023 ഹോണ്ട സിബി 300ആര്‍ന് 286.01 സിസി, 4-സ്‌ട്രോക്ക്, സിംഗിള്‍-സിലിണ്ടര്‍ ബി എസ് വി ഐ ഓ ബി ഡി 2 എ കംപ്ലയിന്റ് പി ജി എം – എഫ് ഐ എഞ്ചിനാണ്. ഈ എഞ്ചിന് 30.7 ബി എച്ച് പി കരുത്തും 27.5 എന്‍ എം ടോര്‍ക്കും ഉത്പാദിപ്പിക്കാന്‍ കഴിയും. പവര്‍ട്രെയിന്‍ ആറ് സ്പീഡ് ഗിയര്‍ബോക്‌സുമായി ബന്ധിപ്പിച്ചിരിക്കുന്നു. മോട്ടോര്‍സൈക്കിളിന് ഒരു അസിസ്റ്റ് സ്ലിപ്പര്‍ ക്ലച്ചും ലഭിക്കുന്നു. ഇത് ഗിയര്‍ഷിഫ്റ്റുകള്‍ സുഗമമാക്കുകയും വേഗത കുറയ്ക്കുമ്പോള്‍ ഹാര്‍ഡ് ഡൗണ്‍ ഷിഫ്റ്റുകളില്‍ പിന്‍ ചക്രം ലോക്ക്-അപ്പ് നിയന്ത്രിക്കുകയും ചെയ്യുന്നു. 146 കിലോഗ്രാം ഭാരമുള്ള സിബി 300ആര്‍ അതിന്റെ വിഭാഗത്തിലെ ഏറ്റവും ഭാരം കുറഞ്ഞ മോട്ടോര്‍സൈക്കിളാണ്. സസ്പെന്‍ഷന്‍ ഡ്യൂട്ടിക്കായി, മോട്ടോര്‍സൈക്കിളിന് 41 എം എം യു എസ് ഡി ഫ്രണ്ട് ഫോര്‍ക്കുകളും പിന്‍ ചക്രത്തില്‍ ക്രമീകരിക്കാവുന്ന മോണോ-ഷോക്ക് അബ്സോര്‍ബറും ലഭിക്കുന്നു. മുന്‍വശത്ത് 296 എംഎം ഡിസ്‌ക് ബ്രേക്കും പിന്നില്‍ 220 എംഎം ഡിസ്‌ക്കും ഇരട്ട-ചാനല്‍ എബിഎസും സ്റ്റാന്‍ഡേര്‍ഡായി ബ്രേക്കിംഗ് ചുമതലകള്‍ കൈകാര്യം ചെയ്യുന്നു.
ഇപ്പോള്‍ പുതിയ ഓ ബി ഡി 2 എ കംപ്ലയിന്റ് എഞ്ചിനുമായി 2023 സിബി 300ആര്‍ ഇന്ത്യയില്‍ അവതരിപ്പിക്കുന്നതില്‍ അഭിമാനിക്കുന്നുവെന്ന് ഹോണ്ടയുടെ ഏറ്റവും പുതിയ പ്രീമിയം ബിഗ്വിംഗ് മോട്ടോര്‍സൈക്കിള്‍ അവതരിപ്പിച്ചുകൊണ്ട് ഹോണ്ട മോട്ടോര്‍സൈക്കിള്‍ ആന്‍ഡ് സ്‌കൂട്ടര്‍ ഇന്ത്യയുടെ മാനേജിംഗ് ഡയറക്ടറും പ്രസിഡന്റും സിഇഒയുമായ സുത്സുമു ഒട്ടാനി പറഞ്ഞു. നാല് ഭൂഖണ്ഡങ്ങളിലായി വ്യാപിച്ചുകിടക്കുന്ന പാരമ്പര്യവും മികച്ച പ്രകടനവും വൈവിധ്യവും ഉള്ളതിനാല്‍, ഹോണ്ടയുടെ എഞ്ചിനീയറിംഗ് വൈദഗ്ദ്ധ്യം, ഡിസൈന്‍ ഫിലോസഫി, പ്രീമിയം ബില്‍ഡ് ക്വാളിറ്റി എന്നിവ ബ്രാന്‍ഡ് ചെയ്യുന്നതിനുള്ള യുവ റൈഡര്‍മാര്‍ക്കുള്ള ഒരു ആത്യന്തിക ഗേറ്റ്വേയാണ് സിബി 300ആര്‍ എന്നും കമ്പനി വ്യക്തമാക്കുന്നു.
