ബെംഗളൂരു: ഹിജാബ് വിഷയം കൈകാര്യം ചെയ്യുന്നതില് ബി.ജെ.പി സര്ക്കാര് പരാജയപ്പെട്ടുവെന്നാരോപിച്ച് കര്ണാടക നിയമസഭയില് പ്രതിഷേധവുമായി കോണ്ഗ്രസ്. കയ്യില് കറുത്ത ബാന്ഡ് ധരിച്ചാണ് കോണ്ഗ്രസ് എം.എല്.മാര് സഭയിലെത്തിയത്.
മുസ്ലിം വിദ്യാര്ത്ഥിനികള് ഹിജാബ് ധരിക്കുന്നതിനെതിരെ കോളേജുകളിലും സ്കൂളുകളിലും കുട്ടികളെ കൊണ്ട് കാവി ഷാള് ധരിപ്പിച്ചതും അവരെ പ്രതിഷേധങ്ങളിലേക്കിറക്കി വിട്ടതും ബി.ജെ.പിയാണെന്ന് പ്രതിപക്ഷ നേതാവ് സിദ്ധരാമയ്യ പറഞ്ഞു. ബി.ജെ.പിയുടെ നഗരവികസന മന്ത്രി ഈശ്വരപ്പ ഇക്കാര്യം തുറന്നുസമ്മതിച്ചതാണെന്നും സിദ്ധരാമയ്യ കൂട്ടിച്ചേര്ത്തു.