കൊച്ചി: കനത്ത മഴയെ തുടര്ന്ന് കൊച്ചി നഗരത്തില് രൂപപ്പെട്ട വെള്ളക്കെട്ടില് വിമര്ശനവുമായി ഹൈക്കോടതി. വെള്ളക്കെട്ടിന്റെ ഉത്തരവാദിത്തം ഏറ്റെടുക്കാന് കൊച്ചി കോര്പ്പറേഷന് തയ്യാറാകണം. വെള്ളക്കെട്ട് ഇല്ലെങ്കില് ക്രെഡിറ്റ് കോര്പ്പറേഷന് എടുക്കുമല്ലോയെന്നും ഹൈക്കോടതി ചോദിച്ചു.
കോര്പ്പറേഷന് അഭിഭാഷകന് ഹാജരാകാന് വൈകിയതിന്റെ കാരണവും സിംഗിള് ബെഞ്ച് തേടി. നഗരത്തിലെ വെള്ളക്കെട്ട് സംബന്ധിച്ച് മൂന്ന് ദിവസത്തിനകം റിപ്പോര്ട്ട് നല്കണമെന്നും കൊച്ചി കോര്പ്പറേഷന് ഹൈക്കോടതി നിര്ദ്ദേശം നല്കി. നഗരത്തില് പലയിടത്തും തുടരുന്ന വെള്ളക്കെട്ട് സംബന്ധിച്ച അമിക്കസ് ക്യൂറി റിപ്പോര്ട്ട് പരിഗണിച്ചാണ് ജസ്റ്റിസ് ദേവന് രാമചന്ദ്രന്റെ നടപടി.