ബൈക്കുകളുടെയും സ്‌കൂട്ടറുകളുടെയും വിലയില്‍ 625 രൂപ കൂട്ടി ഹീറോ മോട്ടോകോര്‍പ്. ഇന്ത്യയില്‍ ഉടനീളം വിലവര്‍ധനവ് പ്രാബല്യത്തില്‍ വന്നതായി ഹീറോ അറിയിച്ചു. ഘടകങ്ങളുടെ വില കൂടിയതും ഉത്പാദന ചെലവ് വര്‍ധിച്ചതുമാണ് വില ഉയരാന്‍ കാരണമെന്നും അറിയിച്ചു.
ഈ വര്‍ഷം രണ്ടാം തവണയാണ് ഹീറോ മോഡലുകളുടെ വില കൂട്ടുന്നത്. കഴിഞ്ഞ ജനുവരിയില്‍ മോഡലുകളുടെ വിലയില്‍ നാനൂറ് രൂപ ഹീറോ കൂട്ടിയിരുന്നു. ഹീറോയ്ക്ക് പിന്നാലെ മറ്റു ഇരുചക്ര വാഹനനിര്‍മ്മാതാക്കളും തങ്ങളുടെ മോഡലുകളുടെ വില കൂട്ടുമെന്നാണ് റിപ്പോര്‍ട്ട്.
