ഹെര്‍ കീ പദ്ധതി; വീട്ടമ്മയ്ക്കും താക്കോല്‍ നല്‍കി ഡാറ്റാ മോട്ടോഴ്‌സ്

പുതിയ ഹെര്‍ കീ പദ്ധതിയുമായി ടാറ്റ മോട്ടോര്‍സ് രംഗത്ത്. വാഹനം വാങ്ങിച്ച ഉപഭോക്താവിന് താക്കോല്‍ നല്‍കുമ്പോള്‍ തന്നെ അതിന്റെ രണ്ടാമത്തെ കീ ‘ഹെര്‍ കീ’ യായി സ്ത്രീകള്‍ക്ക് നല്‍കുന്ന പദ്ധതിക്കാണ് ടാറ്റ തുടക്കമിട്ടിരിക്കുന്നത്. കൂടുതല്‍ സ്ത്രീകളെ ഡ്രൈവിംഗ് സീറ്റിലേക്ക് കൊണ്ടുവരുക എന്ന ലക്ഷ്യത്തോടെയാണ് കമ്പനി ഹെര്‍ കീ’ പദ്ധതിക്ക് തുടക്കമിട്ടിരിക്കുന്നത്.

ഇന്ത്യയില്‍ വിവിധ മേഖലകളില്‍ സ്ത്രീകള്‍ വളരെ വേഗത്തില്‍ മുന്‍പന്തിയില്‍ എത്തിയിട്ടുണ്ട്. എന്നിരുന്നാലും നിലവില്‍ 11ശതമാനമാണ് രാജ്യത്തെ സ്ത്രീ ഡ്രൈവറുമാരുടെ ആകെ എണ്ണം. കൂടാതെ, നിരവധി സ്ത്രീകള്‍ ഇപ്പോഴും ആത്മവിശ്വാസ കുറവുമൂലവും മറ്റും ഡ്രൈവിങ്ങില്‍ നിന്നും അകന്നു നില്‍ക്കുന്നുണ്ട്. ഈ സാഹചര്യത്തില്‍ നിന്നും ഒരു പരിവര്‍ത്തനം സൃഷ്ടിക്കുക എന്ന ലക്ഷ്യത്തോടെയാണ് ഹെര്‍ കീ അവതരിപ്പിക്കുന്നതെന്നും ടാറ്റ മോട്ടോര്‍സ് വ്യക്തമാക്കി.

Top