‘കുമ്പളങ്ങി നൈറ്റ്സി’ല് ‘ബേബിമോളെ’ അവതരിപ്പിച്ച അന്ന ബെന് ടൈറ്റില് കഥാപാത്രത്തെ അവതരിപ്പിക്കുന്ന ‘ഹെലെന്റെ സെക്കന്ഡ് ലുക്ക് പോസ്റ്റര് പുറത്തിറങ്ങി. സിനിമയുടെ നിര്മാതാവ് കൂടിയായ വിനീത് ശ്രീനിവാസനാണ് പോസ്റ്റര് ഫെയ്സ്ബുക്കില് പങ്ക് വെച്ചിരിക്കുന്നത്.
ചിത്രം സംവിധാനം ചെയ്യുന്നത് നവാഗതനായ മാത്തുക്കുട്ടി സേവ്യര് ആണ്. അജു വര്ഗീസ്, ധ്യാന് ശ്രീനിവാസന് എന്നിവരുടെ ഉടമസ്ഥതയിലുള്ള ഫന്റാസ്റ്റിക് ഫിലിംസാണ് ചിത്രം തീയറ്ററുകളില് എത്തിക്കുന്നത്.
‘ദി ചിക്കന് ഹബ്ബ്’ എന്ന പേരിലുള്ള റസ്റ്റോറന്റിലെ വെയ്ട്രസ് ആയാണ് ചിത്രത്തില് അന്ന ബെന് എത്തുന്നത്. ലാല് പോള്, അജു വര്ഗീസ്, റോണി ഡേവിഡ് രാജ് എന്നിവര്ക്കൊപ്പം ഒരുകൂട്ടം പുതുമുഖങ്ങളും മറ്റ് കഥാപാത്രങ്ങളെ അവതരിപ്പിക്കും.ആല്ഫ്രഡ് കുര്യന് ജോസഫ്, നോബിള് ബാബു തോമസ്, മാത്തുക്കുട്ടി സേവ്യര് എന്നിവര് ചേര്ന്നാണ് ചിത്രത്തിന്റെ തിരക്കഥ ഒരുക്കുന്നത്. ആനന്ദ് സി ചന്ദ്രനാണ് ഛായാഗ്രഹണം. ഷാന് റഹ്മാനാണ് സംഗീത സംവിധാനം നിര്വഹിക്കുന്നത്.