ചെന്നൈ: തമിഴ്നാട്ടില് മഴക്കെടുതി രൂക്ഷം. വരുന്ന മൂന്ന് ദിവസങ്ങള് കൂടി ശക്തമായ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം. 16 ജില്ലകളില് റെഡ് അലര്ട്ട് പ്രഖ്യാപിച്ചു. മഴക്കെടുതിയില് വന് നാശനഷ്ടമാണ് സംസ്ഥാനത്തിന്റെ വിവിധ ഭാഗങ്ങളില് ഉണ്ടായത്. ദേശീയ ദുരന്ത നിവാരണ സേന സംഘം രക്ഷാപ്രവര്ത്തനങ്ങള്ക്കായി രംഗത്തുണ്ട്.
തീരദേശ ജില്ലകളായ കടലൂര്, രാമനാഥപുരം, ശിവഗംഗ, പുതുക്കോട്ട, തഞ്ചാവൂര് തുടങ്ങി പത്ത് ജില്ലകളിലാണ് ഇന്ന് റെഡ് അലേര്ട്ട് പ്രഖ്യാപിച്ചിട്ടുള്ളത്. 11,12 തീയ്യതികളില് ചെന്നൈ, തിരുവള്ളൂര്, കാഞ്ചീപുരം, ചെങ്കല്പേട്ട്, തിരുവണ്ണാമലൈ, വിഴിപ്പുരം ജില്ലകളിലും ശക്തമായ മഴയുണ്ടാകും.
റെഡ് അലേര്ട്ട് പ്രഖ്യാപിച്ച സാഹചര്യത്തില് ഈ ജില്ലകളിലെ കോളജുകള് ഉള്പ്പെടെയുള്ള വിദ്യഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. മുന്കരുതല് നടപടിയെന്നോണം ആരക്കോണത്തു നിന്നുള്ള ദേശീയ ദുരന്ത നിവാരണ സേന സംഘം ഇന്നലെ ചെന്നൈയിലെത്തി.