കൊച്ചി: മഴയ്ക്ക് നേരിയ ശമനമുണ്ടെങ്കിലും ഏഴ് ജില്ലകളിലെ പ്രൊഫഷണല് കോളേജ് ഉള്പ്പടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച ജില്ലാ കളക്ടര്മാര് അവധി പ്രഖ്യാപിച്ചു.
ആലപ്പുഴ, പത്തനംതിട്ട, തൃശൂര്, കോഴിക്കോട്, എറണാകുളം, വയനാട്, മലപ്പുറം തുടങ്ങിയ ജില്ലകളിലെ വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്.
ഈ ജില്ലകളിലെ പല പ്രദേശങ്ങളിലും വെള്ളക്കെട്ട് നിലനില്ക്കുന്നതിനാലും പല സ്കൂളുകളും ദുരിതാശ്വാസ ക്യാമ്പുകളായി പ്രവര്ത്തിക്കുന്നതിനാലുമാണ് അവധി പ്രഖ്യാപിച്ചിരിക്കുന്നത്.
കേന്ദ്രീയ വിദ്യാലയങ്ങള് ഐസിഎസ്ഇ, സിബിഎസ്ഇ സ്കൂളുകള് തുടങ്ങിയവയ്ക്കെല്ലാം അവധി ബാധകമായിരിക്കും.