തിരുവനന്തപുരം: ശമ്പള വേതന വര്‍ധനവ് ആവശ്യപ്പെട്ട് സ്വകാര്യ ആശുപത്രികളില്‍ നഴ്‌സുമാര്‍ നടത്തുന്ന സമരം നിര്‍ത്തിവയ്ക്കണമെന്ന് ആരോഗ്യമന്ത്രി കെ.കെ. ഷൈലജ.
സമരവുമായി ബന്ധപ്പെട്ട് ജൂലൈ പത്തിനു ചര്‍ച്ച തീരുമാനിച്ചിട്ടുണ്ടെന്നും സമരം നിര്‍ത്തിവച്ച് സഹകരിക്കണമെന്നും അവര്‍ ആവശ്യപ്പെട്ടു.
നഴ്‌സുമാരുടെ എല്ലാ ആവശ്യങ്ങളോടും മാനേജ്‌മെന്റുകള്‍ പെട്ടെന്നു വഴങ്ങുമെന്ന് ഉറപ്പൊന്നും ഇല്ല. ഇതിനായി തൊഴില്‍ വകുപ്പിനെ ഉപയോഗിച്ച് നിയമ നിര്‍മാണം വരെ നടത്തിയും നടപടികളെടുക്കാനാണ് സര്‍ക്കാര്‍ നോക്കുന്നതെന്നും മന്ത്രി വ്യക്തമാക്കി
