കുരങ്ങുകളിലെ തലമാറ്റിവെക്കല് ശസ്ത്രക്രിയ വിജയകരമായി പൂര്ത്തിയായതായി വിവാദ ശസ്ത്രക്രിയാവിദഗ്ധന് ഡോ. സെര്ജിയോ കനവാരോ അറിയിച്ചു.
മനുഷ്യരില് തലമാറ്റിവെക്കല് ശസ്ത്രക്രിയ നടത്തുമെന്ന് പ്രഖ്യാപിച്ചിട്ടുള്ള ഡോ. സെര്ജിയോ കനവാരോയുടെ സംഘത്തിന്റെ ഒരുക്കങ്ങളുടെ ഭാഗമായാണ് കുരങ്ങുകളില് തലമാറ്റിവെക്കല് ശസ്ത്രക്രിയ നടത്തിയത്.
ലോകത്തെ ആദ്യത്തെ മനുഷ്യരിലെ തലമാറ്റിവെക്കല് ശസ്ത്രക്രിയ 2017 ഡിസംബറിലാണ് നിശ്ചയിച്ചിരിക്കുന്നത്. ഇറ്റാലിയന് ഡോക്ടര് സെര്ജിയോ കനവെരോയും ചൈനീസ് ഡോക്ടര് റെന് സിയോപിംഗുമായിരിക്കും ശസ്ത്രക്രിയാ സംഘത്തെ നയിക്കുക.
മുന്നൊരുക്കങ്ങളുടെ ഭാഗമായി കുരങ്ങുകളിലും എലികളിലും മനുഷ്യരുടെ മൃതശരീരങ്ങളിലുമെല്ലാം തലമാറ്റിവെക്കല് വിജയകരമായി പൂര്ത്തിയാക്കി കഴിഞ്ഞു.
ശരീരത്തിലെ മസിലുകള് ക്ഷയിക്കുന്ന (വെര്ഡ്നിഗ് ഹോഫ്മാന്) അപൂര്വ്വ രോഗബാധിതനായ 31കാരനായ സ്പിരിഡോവിന്റെ തലയാണ് ആരോഗ്യമുള്ള മറ്റൊരു ഉടലിലേക്ക് മാറ്റിവെക്കുക.
ശസ്ത്രക്രിയ നിശ്ചയിച്ച സമയത്ത് ലഭിക്കുന്ന മസ്തിഷ്കമരണം സംഭവിച്ചയാളുടെ ഉടലായിരിക്കും സ്പിരിഡോവിന്റെ തലയില് വെച്ചുപിടിപ്പിക്കുക. ആദ്യമായി മനുഷ്യരിലെ തലമാറ്റിവെക്കല് ശസ്ത്രക്രിയ ഔദ്യോഗികമായി പ്രഖ്യാപിക്കുന്നത് 2013ലായിരുന്നു.
