കൊച്ചി: എസ്എന്ഡിപി യോഗം തിരഞ്ഞെടുപ്പിലെ പ്രാതിനിധ്യ വോട്ടവകാശം ഹൈക്കോടതി റദ്ദാക്കി. ഇനി എല്ലാ അംഗങ്ങള്ക്കും വോട്ടവകാശം ലഭിക്കും. 200 അംഗങ്ങള്ക്ക് ഒരു വോട്ട് എന്നായിരുന്നു നേരത്തെയുള്ള വ്യവസ്ഥ.
ഫെബ്രുവരി അഞ്ചിന് യോഗം തിരഞ്ഞെടുപ്പ് നടക്കാനിരിക്കെയാണ് കോടതി വിധി. നിലവില് എസ്എന്ഡിപിയിലെ വോട്ട് രീതി 200 അംഗങ്ങള് ഉള്ള ശാഖകള്ക്ക് ഒരു വോട്ട് എന്നതായിരുന്നു. അതായത് ഓരോ 200 അംഗങ്ങള്ക്കും ഒരു വോട്ട്. ഇതാണ് ഇപ്പോള് ഹൈക്കോടതി റദ്ദാക്കിയിരിക്കുന്നത്.
ഇത്തരത്തില് ഏകദേശം പതിനായിരത്തോളം വോട്ടുകളാണ് ഉണ്ടായിരുന്നത്. എന്നാല് ഈ രീതിയെ ചോദ്യം ചെയ്തുകൊണ്ടുള്ള ചില ഹര്ജികള് കോടതിക്ക് മുന്നിലുണ്ടായിരുന്നു. ഈ ഹര്ജികള് അംഗീകരിച്ചുകൊണ്ടാണ് കോടതി വിധി വന്നിരിക്കുന്നത്. മുഴുവന് അംഗങ്ങള്ക്കും വോട്ടവകാശം ഉണ്ടായിരിക്കുമെന്നാണ് ഹൈക്കോടതി വ്യക്തമാക്കിയിരിക്കുന്നത്.