കൊച്ചി: വരാപ്പുഴയിലെ ശ്രീജിത്തിന്റെ കസ്റ്റഡി മരണത്തിന്റെ അന്വേഷണം സി ബി ഐയ്‌ക്ക് വിടണമെന്ന് കെ പി സി സി പ്രസിഡന്റ് എം എം ഹസ്സന്‍. റൂറല്‍ എസ് പി എ വി ജോര്‍ജ് സി പി എമ്മിന് വേണ്ടി വിടുപണി ചെയ്യുന്ന ആളെന്നും ഹസ്സന്‍ ആരോപിച്ചു. ഇപ്പോഴത്തെ അന്വേഷണ ഉദ്യോഗസ്ഥന്‍ ഐ ജി ശ്രീജിത്തിനെ മാറ്റണമെന്നും അദ്ദേഹം ആവശ്യപ്പെട്ടു.
കഴിഞ്ഞ ദിവസം ബി ജെ പി സംസ്ഥാന അധ്യക്ഷന്‍ കുമ്മനം രാജശേഖരനും കസ്റ്റഡി മരണം സി ബി ഐ ക്ക് വിടണമെന്ന് ആവശ്യപ്പെട്ടിരുന്നു.
