തിരുവനന്തപുരം: ജിഷ്ണു പ്രണോയിയുടെ അമ്മയ്ക്കെതിരെ പോലീസ് നടത്തിയ അതിക്രമത്തില് പ്രതിഷേധിച്ച് സംസ്ഥാനത്ത് നാളെ യുഡിഎഫ്-ബിജെപി ഹര്ത്താല്.
ഉപതിരഞ്ഞെടുപ്പ് കണക്കിലെടുത്ത് മലപ്പുറം ജില്ലയെ ഹര്ത്താലില് നിന്ന് ഒഴിവാക്കിയിട്ടുണ്ട്. പുലര്ച്ചെ ആറ് മുതല് വൈകിട്ട് ആറ് വരെയാണ് ഹര്ത്താല്. അവശ്യസര്വീസുകളെ ഹര്ത്താലില് നിന്ന് ഒഴിവാക്കിയിട്ടുണ്ട്.
ബിജെപിയുടെയും യുഡിഎഫിന്റെയും ജില്ലാക്കമ്മിറ്റികളാണ് ഹര്ത്താലിന് ആഹ്വാനം ചെയ്തത്. പൊലീസ് അതിക്രമം ആഭ്യന്തവകുപ്പിന്റെ നിര്ദേശപ്രകാരമാണെന്ന ഗുരുതരമായ ആരോപണം ഉയര്ത്തിയാണ് ഹര്ത്താലിന് ഇരു കക്ഷികളും വെവ്വേറെ ആഹ്വാനം ചെയ്തിരിക്കുന്നത്.