കൊല്ലം: ചവറയില് സിപിഎമ്മും എസ്ഡിപിഐയും തമ്മിലുണ്ടായ സംഘര്ഷത്തില് നേതാക്കളടക്കം അമ്പതോളം പേര്ക്ക് പരിക്ക്.
പരിക്കേറ്റ ഇവരെ ആശുപത്രിയില് പ്രവേശിപ്പിച്ചു.
എസ്ഡിപിഐ തെക്കന് മേഖലാ ജാഥയ്ക്ക് സ്വീകരണം നല്കുന്നതിനുവേണ്ടി തയാറാക്കിയ വേദിക്കും സിപിഎം ഏരിയ സമ്മേളനം നടന്ന വേദിക്കും സമീപത്തായിരുന്നു ആക്രമണം. സ്ഥലത്ത് സംഘര്ഷാവസ്ഥ തുടരുകയാണ്.
അക്രമത്തില് പ്രതിഷേധിച്ച് സെക്രട്ടേറിയറ്റിലേക്ക് എസ്ഡിപിഐ നടത്തിയ മാര്ച്ച് സംഘര്ഷത്തില് കലാശിച്ചു. തുടര്ന്ന് പൊലീസ് ലാത്തി വീശി. ജലപീരങ്കിയും പ്രയോഗിച്ചു. മാര്ച്ചിനു നേരെ ഗ്രനേഡ് പ്രയോഗവുമുണ്ടായി.
ഇതേ തുടര്ന്ന് പോലീസ് അതിക്രമത്തില് പ്രതിഷേധിച്ച് കൊല്ലം ജില്ലയില് എസ്ഡിപിഐ ഹര്ത്താല് പ്രഖ്യാപിച്ചു. ശനിയാഴ്ച രാവിലെ ആറു മുതല് വൈകിട്ട് ആറു വരെയാണ് ഹര്ത്താല്. ചവറയില് സിപിഎമ്മും ഹര്ത്താലിന് ആഹ്വാനം ചെയ്തിട്ടുണ്ട്.