ഹാർലി-ഡേവിഡ്സൺ പുതിയ 2021 ഇലക്ട്രാ ഗ്ലൈഡ് റിവൈവൽ അന്താരാഷ്ട്ര വിപണിയിൽ അവതരിപ്പിച്ചു. കമ്പനിയുടെ ഐതിഹാസിക കളക്ഷന് കീഴിലുള്ള ആദ്യ മോഡലാണ് ഇത്.
ആഗോളതലത്തിൽ വെറും 1,500 യൂണിറ്റായി പരിമിതപ്പെടുത്തിയിരിക്കുന്ന ഒരു ലിമിറ്റഡ് ഉൽപ്പന്നമാണിത്. പുതിയ 2021 ഇലക്ട്രാ ഗ്ലൈഡ് റിവൈവൽ മോഡൽ മുൻകാലങ്ങളിൽ നിർമ്മാതാക്കൾ ടീസ് ചെയ്തിരുന്നു. പുതിയ ഐതിഹാസിക കളക്ഷനിലെ ആദ്യ ഇൻസ്റ്റോൾമെന്റാണിത്. ഈ ഐതിഹാസിക കളക്ഷൻ വഴി പഴയ ക്ലാസിക് മോഡലുകൾ എല്ലാ വർഷവും കമ്പനി പുനരുജ്ജീവിപ്പിക്കും.
2021 ഇലക്ട്രാ ഗ്ലൈഡ് റിവൈവൽ 60 -കളുടെ അവസാനത്തിലോ 70 -കളുടെ തുടക്കത്തിലോ ഉള്ള ക്ലാസിക് ബൈക്കിൽ നിന്ന് പ്രചോദനം ഉൾക്കൊള്ളുന്നു. ടാങ്കിലെയും ഫ്രണ്ട് മഡ്ഗാർഡിലെയും ഇലക്ട്രാ ഗ്ലൈഡ് റിവൈവൽ ബാഡ്ജ് ഉൾക്കൊള്ളുന്ന കസ്റ്റം പെയിന്റ് സ്കീം മോട്ടോർസൈക്കിളിന് ലഭിക്കുന്നു.
മിനി-ഏപ്പ് ഹാൻഡിൽബാറുകൾ, രണ്ട് നീളമുള്ള എക്സ്ഹോസ്റ്റ് പൈപ്പുകൾ, വിൻഡ്ഷീൽഡ്, ക്രോം ഫിനിഷുള്ള മിററുകൾ, രണ്ട് സ്റ്റോറേജ് ബോക്സുകൾ എന്നിവ ബൈക്കിലെ മറ്റ് ബാഹ്യ സവിശേഷതകളാണ്.