അഹമ്മദാബാദ്: പട്ടേല്‍ സംവരണ സമരനേതാവ് ഹാര്‍ദിക് പട്ടേല്‍ ഇനി കോണ്‍ഗ്രസിലേക്ക്. മാര്‍ച്ച് 12ന് ഹാര്‍ദിക് കോണ്‍ഗ്രസ് ചേരുമെന്നാണ് വിവരം.
കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ സാന്നിധ്യത്തിലായിരിക്കും ഹാര്‍ദിക്കിന്റെ പാര്‍ട്ടി പ്രവേശനം. ഗുജറാത്തിലെ ജാംനഗറില്‍നിന്നു ഹാര്‍ദിക്ക് മത്സരിക്കുമെന്നും റിപ്പോര്‍ട്ടുകളുണ്ട്. പട്ടേല്‍ സംവരണം യാഥാര്‍ഥ്യമായ ശേഷമേ മത്സരിക്കു എന്നാണ് ഹാര്‍ദിക് നേരത്തെ പ്രഖ്യാപിച്ചിരുന്നത്. സംവരണം ലഭിച്ചതോടെ ലോക്സഭാ തെരഞ്ഞെടുപ്പില്‍ മത്സരിക്കുമെന്നും ഹാര്‍ദിക് സൂചന വ്യക്തമാക്കിയിരുന്നു.
