വാഷിങ്ടണ്: മലയാളി യുവാവ് അമേരിക്കയില് വെടിയേറ്റു മരിച്ചു. ഷാര്ജയില് ഇംപ്രിന്റ് എമിറേറ്റ്സ് പബ്ലിഷ് കമ്പനി നടത്തുന്ന തൃശൂര് സ്വദേശി പുരുഷ് കുമാറിന്റെയും സീമയുടെയും മകന് നീല് പുരുഷ് കുമാര് (29) ആണ് ബ്രന്ഡിഡ്ജില് കൊല്ലപ്പെട്ടത്.
ഷാര്ജ റോളയിലാണ് ഇവര് താമസിച്ചിരുന്നത്. അമേരിക്കയിലെ ട്രോയ് വാഴ്സിറ്റിയില് കമ്പ്യൂട്ടര് സയന്സില് ഉപരിപഠനം നടത്തുകയാണ് നീല്. പാര്ട്ട് ടൈമായി ഒരു ഗ്യാസ് സ്റ്റേഷനില് ജോലി ചെയ്തുവന്നിരുന്നു. കഴിഞ്ഞ ബുധനാഴ്ച രാവിലെയായിരുന്നു സംഭവം. കട തുറന്നയുടന് എത്തിയ അക്രമി നീലിനു നേര്ക്കു തോക്കു ചൂണ്ടി കൗണ്ടറില്നിന്നു പണം കവര്ന്നശേഷം വെടിയുതിര്ക്കുകയായിരുന്നു. അക്രമിയുടെ ചിത്രങ്ങള് സിസിടിവിയില് പതിഞ്ഞിട്ടുണ്ട്.