ഗൂഗിള്‍ പ്ലേ മ്യൂസിക്കിന്റെ പ്രവര്‍ത്തനം ഒക്ടോബറില്‍ അവസാനിപ്പിക്കുന്നതായി കമ്പനി. ഇതിന്റെ ഭാഗമായി ഗൂഗിള്‍ പ്ലേ മ്യൂസിക്ക് സെപ്റ്റംബര്‍ മുതല്‍ ഓസ്ട്രേലിയയിലും ന്യൂസിലന്‍ഡിലും അതിന്റെ പ്രവര്‍ത്തനം അവസാനിപ്പിക്കും. ഒക്ടോബര്‍ മുതല്‍ മറ്റുള്ള രാജ്യങ്ങളിലേക്കും ഇതിന്റെ സേവനം നിര്‍ത്തും.
ഓഗസ്റ്റ് അവസാനം മുതല്‍ ഉപയോക്താക്കള്‍ക്ക് ഇതില്‍ മ്യൂസിക്ക് വാങ്ങാനും മുന്‍കൂട്ടി ഓര്‍ഡര്‍ ചെയ്യാനും അല്ലെങ്കില്‍ മ്യൂസിക് മാനേജര്‍ വഴി ഗൂഗിള്‍ പ്ലേ മ്യൂസിക്കില്‍ നിന്ന് മ്യൂസിക് അപ്ലോഡ് ചെയ്യാനും ഡൗണ്‍ലോഡ് ചെയ്യാനും സാധിക്കില്ല.
2020 ഡിസംബറിന് ശേഷം ഗൂഗിള്‍ പ്ലേ മ്യൂസിക് ഉപയോക്താക്കളുടെ ലൈബ്രറികള്‍ ലഭ്യമാകില്ല. മ്യൂസിക് കണ്ടന്റ് കൈമാറുന്നതിനുള്ള ഓപ്ഷന്‍ ഇപ്പോള്‍ യൂട്യൂബ് മ്യൂസിക്കില്‍ ഉപയോക്താക്കള്‍ക്കായി ലഭ്യമായിട്ടുണ്ടെന്ന് റിപ്പോര്‍ട്ടുകള്‍ വ്യക്തമാക്കി.
ഉപയോക്താക്കള്‍ക്ക് സൗകര്യപ്രദമാക്കുന്നതിനായി മെയ് മാസം മുതല്‍ തന്നെ ഗൂഗിള്‍ പ്ലേ മ്യൂസിക് അപ്ലിക്കേഷനില്‍ ഒരു ട്രാന്‍സ്ഫര്‍ ബട്ടണ്‍ ഉള്‍പ്പെടുത്തിട്ടുണ്ട്. ഉപയോക്താക്കള്‍ക്ക് ഇത്തരത്തില്‍ പ്രയാസമില്ലാതെ അവരുടെ എല്ലാ ഡാറ്റയും കൈമാറാന്‍ സാധിക്കുന്നതാണ്.
