ബിഎസ്എന്എല് ഉപയോക്താക്കള്ക്ക് സന്തോഷ വാര്ത്ത. കുറച്ചു നാൾ മുന്നേ ജിയോ എല്ലാ നെറ്റ്വര്ക്കിലേക്കും എല്ലാ ആഭ്യന്തര കോളുകളും സൗജന്യമാക്കിയിരുന്നു. ഇപ്പോള് ഈ വഴിയിലാണ് ബിഎസ്എന്എല്ലും. എഫ്യുപി പരിധി ഉപേക്ഷിക്കുകയാണെന്നും ജനുവരി 10 മുതല് പരിധിയില്ലാത്ത വോയ്സ് കോളിംഗ് ആനുകൂല്യങ്ങള് നല്കുമെന്നും ബിഎസ്എന്എല്ലും വ്യക്തമാക്കുന്നു. ഇതിനായി പ്ലാന് വൗച്ചറുകള്, എസ്ടിവി, കോംബോ വൗച്ചറുകള് എന്നിവയ്ക്ക് പരിധിയില്ലാത്ത കോളുകള് ലഭ്യമാക്കും.
ഇതിനായി 398 രൂപ വിലമതിക്കുന്ന പുതിയ പ്രത്യേക താരിഫ് വൗച്ചര് ബിഎസ്എന്എല് ഉടന് പുറത്തിറക്കും, ഇത് എഫ്യുപി പരിധിയും പരിധിയില്ലാത്ത ഡാറ്റ ആനുകൂല്യങ്ങളും നല്കും. പ്രീപെയ്ഡ് വൗച്ചര് 30 ദിവസത്തെ വാലിഡിറ്റിയുള്ള 100 എസ്എംഎസും സൗജന്യമായി നല്കും. ഡല്ഹി, മുംബൈ എന്നിവിടങ്ങളിലെ എംടിഎന്എല് നെറ്റ്വര്ക്ക് റോമിംഗ് ഏരിയ ഉള്പ്പെടെയുള്ള ഹോം, ദേശീയ റോമിംഗുകളില് പ്രതിദിനം സൗജന്യ എസ്എംഎസ് ബാധകമാണ്.
ഈ പദ്ധതി ട്രായുടെ പുതിയ ഭേദഗതി ഉത്തരവിനു കീഴിലായിരിക്കും, ഇത് 2021 ജനുവരി 10 ന് പ്രാബല്യത്തിലാകും. ഒപ്പം, പ്രത്യേക ദിവസങ്ങളില് ഉപയോക്താക്കളില് നിന്ന് അടിസ്ഥാന താരിഫ് ഈടാക്കാന് ഉപയോഗിച്ചിരുന്ന ബ്ലാക്ക് ഔട്ട് ദിവസങ്ങള് നീക്കംചെയ്യുമെന്നും ബിഎസ്എന്എല് പ്രഖ്യാപിച്ചു.