ന്യൂഡല്ഹി: തിരുവനന്തപുരം സ്വര്ണക്കടത്തു കേസിലെ മൂന്നാം പ്രതി തൃശൂര് കൊടുങ്ങല്ലൂര് മൂന്നുപീടിക സ്വദേശി ഫൈസല് ഫരീദും (36), റബിന്സും ദുബായില് അറസ്റ്റിലായെന്ന് എന്ഐഎ. യുഎഇ ഭരണകൂടമാണ് അറസ്റ്റു ചെയ്തത്. ആറു പ്രതികള്ക്കെതിരെ ഇന്റര്പോള് വഴി ബ്ലൂ കോര്ണര് നോട്ടീസ് അയച്ചു.
വ്യാജ രേഖകളുടെ നിര്മാണം, തീവ്രവാദ പ്രവര്ത്തനങ്ങള്ക്കുള്ള സഹായം, കള്ളക്കടത്തിലുള്ള പങ്കാളിത്തം എന്നീ കുറ്റങ്ങളാണ് ഫൈസലിനെതിരെ എന്ഐഎ ചുമത്തിയിരിക്കുന്നത്. ദുബായ് റാഷിദിയയിലായിരുന്നു ഫൈസല് താമസിച്ചിരുന്നത്. ആഡംബര ജിംനേഷ്യം, കാറുകളുടെ വര്ക്ഷോപ്പ് എന്നിവയുടെ ഉടമയാണ് ഫൈസല്.
നയതന്ത്ര പാഴ്സലില് കള്ളക്കടത്തു സ്വര്ണം അയയ്ക്കാന് ഫൈസല് ഫരീദിനെ സഹായിച്ചതു മൂവാറ്റുപുഴ സ്വദേശി റബിന്സ് ആണെന്നു കസ്റ്റംസിനു വിവരം ലഭിച്ചിരുന്നു. നേരത്തെ, കസ്റ്റംസ് നിരീക്ഷണത്തിലുള്ളയാളാണു റബിന്സ്. ദുബായില് ഇയാള്ക്കു ഹവാല ഇടപാടുകളുള്ളതായും നയതന്ത്ര പാഴ്സലിലൂടെ കേരളത്തിലേക്കു കടത്തിയ സ്വര്ണം വിറ്റഴിക്കുന്നതില് പങ്കുള്ളതായും വിവരം ലഭിച്ചിരുന്നു. െ