കൊച്ചി: സ്വർണ വിലയിൽ ഇന്ന് വലിയ ഇടിവ് രേഖപ്പെടുത്തി. പവന് 960 രൂപയാണ് ഇന്ന് കുറഞ്ഞത്. ഈയിടെ ഉണ്ടായിട്ടുള്ളതിൽ വെച്ച് ഏറ്റവും വലിയ വിലക്കുറവാണിത്. 37,040 രൂപയാണ് ഒരു പവൻ സ്വർണത്തിന്റെ വില. ഗ്രാമിന് 120 രൂപ താഴ്ന്ന് 4,630 രൂപയിലാണ് വ്യാപാരം പുരോഗമിക്കുന്നത്. വ്യാഴാഴ്ച പവന് 400 രൂപയുടെ കുറവുണ്ടായിരുന്നു. പുതുവർഷത്തിലെ ഏറ്റവും കുറഞ്ഞ വിലയാണിത്.
രാജ്യാന്തര വിപണിയിൽ ഔൺസിന് 1849.15 ഡോളറിൽ ആണ് വ്യാപാരം. ഒരു ഗ്രാം വെള്ളിയ്ക്ക് 69.60 രൂപയാണ് വില. 8 ഗ്രാമിന് 559.20 രൂപയും.
