ബോളിവുഡ് സിനിമാ മേഖലയിലെ ഏറ്റവും കുസൃതി നിറഞ്ഞ നടനാണ് അക്ഷയ് കുമാര്. അക്ഷയുടെ പുതിയ ചിത്രം ഗോള്ഡിന്റെ ചിത്രീകരണത്തിനിടെ നടി മൗനി റോയിയെയും ഗോള്ഡ് ടീമും അക്ഷയും കളിയാക്കിയിരുന്നു. ആ വീഡിയോ സമൂഹ മാധ്യമങ്ങളില് ടീം ഗോള്ഡ് പങ്കുവെയ്ക്കുകയും ചെയ്തിരുന്നു.
തപന്ദാസ് എന്ന ഹോക്കി കളിക്കാരന്റെ യാത്രയാണ് ഗോള്ഡ് എന്ന ചിത്രം. 1948 ആഗസ്റ്റ് 12 ന് സ്വതന്ത്ര ഇന്ത്യയുടെ ആദ്യ ഒളിമ്പിക് ഗോള്ഡ് മെഡല് നേടിയതുമായി ബന്ധപ്പെട്ട കഥയാണ് ചിത്രത്തിന്റെ ഇതിവൃത്തം.
ഇന്ത്യയുടെ ആദ്യ ഗോള്ഡ് മെഡലിന്റെ 70-ാം വാര്ഷികം ആഘോഷിക്കുന്ന സ്വാതന്ത്ര ദിനത്തിലാണ് അക്ഷയ് ചിത്രം ഗോള്ഡിന്റെ റിലീസിങ്. ഗോള്ഡ് ഒരു ഹിസ്റ്റോറിക്കല് സ്പോര്ട്സ് ചിത്രമാണ്. റീമാ കാഗ്ട്ടി സംവിധാനം ചെയ്യുന്ന ചിത്രത്തില് അക്ഷയ് കുമാര്, കുണാല് കപൂര്, മൗനി റോയി വിനീത് കുമാര് സിംഗ് എന്നിവര് പ്രധാന വേഷങ്ങള് കൈകാര്യം ചെയ്യുന്നു. എക്സല് എന്റര്ടൈന്മെന്റിന്റെ ബാനറില് റിതേഷ് ,ഫര്ഹാന് അക്തര് എന്നിവര് ചേര്ന്ന് നിര്മിക്കുന്ന ചിത്രം ആഗസ്റ്റ് 15 ന് തിയേറ്ററുകളില് എത്തും.