ചെന്നൈ : തമിഴ്നാട്ടിൽ റെയ്ഡില് പിടികൂടിയ 103 കിലോ സ്വര്ണം സിബിഐ കസ്റ്റഡിയില് നിന്ന് കാണാതായതായി റിപ്പോർട്ട്. 45 കോടി രൂപ വിലവരുന്ന സ്വര്ണമാണ് കാണാതായത്. സംഭവത്തെക്കുറിച്ച് അന്വേഷിക്കാന് തമിഴ്നാട് സിബിസിഐഡിയോട് മദ്രാസ് ഹൈക്കോടതി ആവശ്യപ്പെട്ടതോടെയാണ് സംഭവം പുറത്തറിയുന്നത്. 2012ല് സിബിഐ സുരാന കോര്പറേഷന് ലിമിറ്റഡില്നിന്ന് പിടിച്ചെടുത്ത 400.5 കിലോ സ്വര്ണത്തില് നിന്നാണ് 103 കിലോ കാണാതായിരിക്കുന്നത്.
എന്നാൽ സ്വര്ണ്ണം സൂക്ഷിച്ച സ്ഥലത്തിന്റെ 72 താക്കോലുകള് ചെന്നൈ പ്രിന്സിപ്പല് സ്പെഷ്യല് കോടതിയില് കൈമാറിയിരുന്നുവെന്നാണ് സിബിഐ മറുപടി നൽകി. തൂക്കിയപ്പോള് ഉണ്ടായ പിഴവാണ് കാരണമെന്നും സിബിഐ അറിയിച്ചു. എന്നാല് സിബിഐയുടെ വാദം കോടതി അംഗീകരിക്കാൻ തയാറായില്ല. സിബി – സിഐഡിയോട് എസ്പി റാങ്കിലുള്ള ഉദ്യോഗസ്ഥന് സംഭവം അന്വേഷിച്ച് ആറ് മാസത്തിനകം റിപ്പോര്ട്ട് സമര്പ്പിക്കണമെന്ന് ജസ്റ്റിസ് പ്രകാശ് ഉത്തരവിട്ടിട്ടുണ്ട്.