പതിനേഴുകാരിയെ അമ്മാവന്‍ തട്ടിക്കൊണ്ടുപോയി പീഡിപ്പിച്ചു; പ്രതി അറസ്റ്റില്‍

ജല്‍ന: പതിനേഴുകാരിയെ അമ്മാവന്‍ തട്ടിക്കൊണ്ടുപോയി പീഡിപ്പിച്ചു. ഒടുവില്‍ പെണ്‍കുട്ടി രക്ഷപ്പെട്ടത് 24 ദിവസങ്ങള്‍ക്ക് ശേഷമാണ്. മഹാരാഷ്ട്രയിലെ ജല്‍നയിലാണ് സംഭവം നടന്നത്. സംഭവത്തില്‍ പെണ്‍കുട്ടിയുടെ അമ്മാവനെ പൊലീസ് അറസ്റ്റ് ചെയ്യുകയും ചെയ്തു.

ജനുവരി 14ന് ആയിരുന്നു പെണ്‍കുട്ടിയെ യുവാവ് തട്ടിക്കൊണ്ടുപോയത്. ശേഷം വിവിധയിടങ്ങളില്‍ താമസിപ്പിച്ച് ഇയാള്‍ പെണ്‍കുട്ടിയെ നിരന്തരം ലൈംഗികമായി പീഡപ്പിക്കുകയും ചെയ്തു. പെണ്‍കുട്ടിയെ ഒരുമുറിക്കുള്ളില്‍ നിന്നും പൂട്ടിയ ശേഷമാണ് ഇയാള്‍ പുറത്തേക്ക് പോകുന്നത്.

ശനിയാഴ്ച പെണ്‍കുട്ടിയെയും കൊണ്ട് സ്ഥലം മാറുന്നതിനായി ഔറംഗാബാദിലെ ബസ്സ്‌റ്റോപ്പില്‍ എത്തിയതായിരുന്നു ഇയാള്‍. ഇതിനിടയില്‍ പെണ്‍കുട്ടി രക്ഷപ്പെടാന്‍ ശ്രമിക്കുകയും സംഭവം പൊലീസിന്റെ ശ്രദ്ധയില്‍പെടുകയുമായിരുന്നു ചെയ്തത്. തുടര്‍ന്ന് യുവാവിനെ പൊലീസ് പിടികൂടുകയും ചെയ്തു. സംഭവത്തില്‍ വിശദമായ അന്വേഷണം തുടങ്ങിയതായി പൊലീസ് അറിയിച്ചിട്ടുണ്ട്.

Top