ചൂണ്ട് വിരല് ചെവിയില് വെച്ച് ഫോണ് വിളിക്കാനുള്ള പുതിയ സംവിധാനവുമായി ഇറ്റാലിയന് കമ്പനി ഡീഡും കമ്പനിയുടെ സഹസ്ഥാപകനായ എമിലിയാനോ പാരിനിയും. ഗെറ്റ് എന്ന ബ്രേയ്സ്ലെറ്റാണ് പുതിയ സംവിധാനത്തിലൂടെയാണ് ഇത് പ്രാവര്ത്തികമാകുന്നത്.
സ്മാര്ട്ഫോണുമായി ബന്ധിപ്പിച്ച് പ്രവര്ത്തിപ്പിക്കുന്ന ഈ ഉപകരണം ഫോണ് വിളിക്കുന്ന സമയത്ത് ഫോണില് നിന്നുള്ള ശബ്ദം കമ്പനമാക്കി മാറ്റുകയും അവ വിരലുകളിലെ എല്ലിലൂടെ കടത്തിവിടുകയും ചെയ്യുന്നു. വിരല് ചെവിയില് അമര്ത്തിവെച്ചാല് ആ ശബ്ദം നിങ്ങള്ക്ക് കേള്ക്കാന് സാധിക്കുന്നു. ഗെറ്റ് ബ്രേയ്സ്ലെറ്റിലെ വോയ്സ് റെക്കഗ്നിഷന് സംവിധാനം വഴി ഔട്ട്ഗോയിങ് കോളുകള് ചെയ്യാനും സാധിക്കും. ബോണ് കണ്ടക്ടിങ് സാങ്കേതിക വിദ്യ ഉപയോഗിച്ചാണ് ഈ ബ്രെയ്സ് ലെറ്റിന്റെ പ്രവര്ത്തനം.
ഇതില് സ്പീക്കറോ, ബട്ടനുകളോ, ഡിസ്പ്ലേയോ ഇല്ല. ശബ്ദവും വിരല് ചലനങ്ങളും ഉപയോഗിച്ചാണ് ബ്രെയ്സ്ലെറ്റ് നിയന്ത്രിക്കുക. 250 ഡോളറാണ് ഗെറ്റിന്റെ വില.