ഡൽഹി : അയോധ്യയിലെ രാമക്ഷേത്ര നിർമാണത്തിന് ഒരു കോടി രൂപ സംഭാവന നൽകി മുൻ ഇന്ത്യൻ ക്രിക്കറ്റ് താരവും ബിജെപി എംപിയുമായ ഗൗതം ഗംഭീർ. എല്ലാ ഇന്ത്യക്കാരുടേയും സ്വപ്നമാണ് അയോധ്യയിലെ രാമക്ഷേത്രമെന്ന് ഗൗതം ഗംഭീർ പറഞ്ഞു. വർഷങ്ങൾ നീണ്ട നിയമയുദ്ധം അവസാനിച്ചു. അയോധ്യയിലെ ക്ഷേത്രം സമാധാനത്തിന്റേയും ഐക്യത്തിന്റേയും വഴിയൊരുക്കും.
ഇതിനായി താനും തന്റെ കുടുംബവും ഒരു കോടി രൂപ സംഭാവന നൽകുന്നതായും ഗൗതം ഗംഭീർ പറഞ്ഞു. രാമക്ഷേത്ര നിർമാണത്തിനായി രാഷ്ട്രപതി രാംനാഥ് കോവിന്ദ്, കോൺഗ്രസ് നേതാവ് ദിഗ് വിജയ് സിംഗ് എന്നിവർ സംഭാവന നൽകിയിരുന്നു. രാംനാഥ് കോവിന്ദ് 5 ലക്ഷം രൂപയും ദിഗ് വിജയ് സിംഗ് ഒരു ലക്ഷം രൂപയുമാണ് നൽകിയത്.
