ന്യൂഡല്ഹി: രാജ്യത്ത് ഇന്ധന വില നാളെയും കൂട്ടും. പെട്രോള് ലിറ്ററിന് 32 പൈസയും ഡീസലിന് 37 പൈസയുമാണ് കൂട്ടുന്നത്. 2021 നവംബര് നാലിന് ശേഷം ഇക്കഴിഞ്ഞ ചൊവ്വാഴ്ചയായിരുന്നു ഇന്ധനവിലയില് വര്ധനവ് ഉണ്ടാക്കിയത്.ഇന്ന് പെട്രോള് ലിറ്ററിന് 84 പൈസയും ഡീസലിന് 81 പൈസയും കൂട്ടിയിരുന്നു. യുക്രൈയ്നിലെ റഷ്യന് അധിനിവേശത്തെ തുടര്ന്ന് അന്താരാഷ്ട്രാ എണ്ണ വില ബാരലിന് 130 ഡോളര് വരെ എത്തിയിരുന്നു. ഈ സാഹചര്യത്തിലും പെട്രോള്, ഡീസല് വിലയില് മാറ്റമുണ്ടായിരുന്നില്ലെങ്കിലും കഴിഞ്ഞ ചൊവ്വാഴ്ച മുതലാണ് രാജ്യത്തെ ഇന്ധന വില വര്ധിപ്പിക്കാന് വീണ്ടും ആരംഭിച്ചത്.