ഡല്ഹി: തെരഞ്ഞെടുപ്പ് പൂര്ത്തിയായതോടെ രാജ്യത്ത് ഇന്ധന വില എണ്ണക്കമ്പനികള് ദിവസേന കൂട്ടുകയാണ്. തുടര്ച്ചയായ നാലാം ദിവസും പെട്രോള് ഡീസല് വില ഉയരുമെന്നുറപ്പായി. നാളെ 26-3 – 22 ന് ഒരു ലിറ്റര് ഡീസലിന് 81 പൈസയും പെട്രോളിന് 84 പൈസയും വര്ദ്ധിക്കും. അര്ദ്ധരാത്രി മുതല് പുതിയ നിരക്ക് പ്രാബല്യത്തില് വരും. ഇന്ന് ഒരു ലിറ്റര് ഡീസലിന്റെ വില 84 പൈസയും പെട്രോളിന് ലിറ്ററിന് 87 പൈസയും വര്ദ്ധിപ്പിച്ചിരുന്നു.
അഞ്ച് സംസ്ഥാനങ്ങളിലെ തിരഞ്ഞെടുപ്പിനെത്തുടര്ന്ന് കഴിഞ്ഞ നാല് മാസമായി ഇന്ധന വില വര്ധിപ്പിച്ചിരുന്നില്ല. ഫല പ്രഖ്യാപനത്തിന് പിന്നാലെയാണ് ഇന്ധന വില കുത്തനെ ഉയരുമെന്ന് റിപ്പോര്ട്ടുകളുണ്ടായിരുന്നെങ്കിലും ഒരാഴ്ച കഴിഞ്ഞതോടെയാണ് എണ്ണക്കമ്പനികള് വീണ്ടും വില വര്ധിപ്പിച്ച് തുടങ്ങിയത്. വരും ദിവസങ്ങളിലും ഇന്ധന വില കൂടുമെന്നാണ് കരുതുന്നത്. തെരഞ്ഞെടുപ്പിന് മുന്പ് അവസാനം ഇന്ധന വിലയില് മാറ്റം വന്നപ്പോഴുള്ള ക്രൂഡ് ഓയില് വില 82 ഡോളറിനരികെയായിരുന്നു. ഇപ്പോള് 120 ഡോളറിന് അരികിലാണ് വില. അതു കൊണ്ട് വില പതുക്കെ കൂടാനാണ് സാധ്യത. ഇതോടെ എല്ലാ മേഖലയിലും വിലക്കയറ്റവും കൂടും.