പാരിസ്: റോളണ്ട് ഗാരോസില്‍ രണ്ടാം റൗണ്ടില്‍ കടന്ന് ജപ്പാന്റെ ലോക രണ്ടാം നമ്പര്‍ താരം നവോമി ഒസാക്ക. റൊമാനിയന്‍ താരം പാട്രിക്ക മരിയ ടിഗിനെ നേരിട്ടുള്ള സെറ്റുകള്‍ക്ക് മറികടന്നാണ് ഒസാക്ക ഫ്രഞ്ച് ഓപ്പണ് ജയത്തോടെ തുടക്കമിട്ടത്. സ്‌കോര്‍: 6-4, 7-6 (4).
63ാം റാങ്കുകാരിയായ താരത്തിനെതിരേ മത്സരത്തിലുടനീളം ആധിപത്യം പുലര്‍ത്തിയായിരുന്നു 23കാരിയായ ഒസാക്കയുടെ ജയം. അതേസമയം മൂന്ന് തവണ ഗ്രാന്‍ഡ്സ്ലാം കിരീടങ്ങളുള്ള മുന്‍ ലോക ഒന്നാം നമ്പര്‍ താരം ആഞ്ജലിക് കെര്‍ബര്‍ ആദ്യ റൗണ്ടില്‍ തന്നെ തോറ്റ് പുറത്തായി.
ഫ്രഞ്ച് ഓപ്പണില്‍ തുടര്‍ച്ചയായ മൂന്നാം തവണയാണ് കെര്‍ബര്‍ ആദ്യ റൗണ്ടില്‍ തന്നെ പുറത്താകുന്നത്. യുക്രൈന്റെ 139ാം റാങ്കുകാരിയായ ആന്‍ഹെലിന കലിനിനയാണ് ജര്‍മന്‍ താരമായ കെര്‍ബറെ പരാജയപ്പെടുത്തിയത്. സ്‌കോര്‍: 6-2, 6-4.
