കൊല്ക്കത്ത: നിയമസഭാ തെരഞ്ഞെടുപ്പില് പശ്ചിമ ബംഗാളില് അധികാരത്തിലെത്തിയാല് എല്ലാവര്ക്കും സൗജന്യമായി കോവിഡ് വാക്സിന് നല്കുമെന്ന് ബംഗാള് ബിജെപി. പശ്ചിമ ബംഗാളില് ബിജെപി സര്ക്കാര് അധികാരത്തില് വന്നാലുടന് കോവിഡ് വാക്സിന് എല്ലാവര്ക്കും സൗജന്യമായി നല്കുമെന്ന് പാര്ട്ടി ട്വിറ്ററില് കുറിച്ചു.
അതേസമയം, കേന്ദ്ര സര്ക്കാരിന്റെ വാക്സിനേഷന് നയം കമ്പോളത്തിന് അനുകൂലവും ജനങ്ങളുടെ താല്പ്പര്യത്തിന് വിരുദ്ധവുമാണെന്ന് പറഞ്ഞ പശ്ചിമ ബംഗാള് മുഖ്യമന്ത്രി മമത ബാനര്ജി എല്ലാവര്ക്കും ഇത് സൗജന്യമാക്കണമെന്ന് പ്രധാനമന്ത്രി നരേന്ദ്ര മോദിയോട് അഭ്യര്ത്ഥിച്ചു. പ്രതിസന്ധി നേരിടുന്ന ഈഘട്ടത്തില് നിര്മ്മാതാക്കള് വാക്സിന് വ്യാപാരം നടത്തരുതെന്നും കത്തില് മമത ബാനര്ജി പറഞ്ഞു