ഡല്‍ഹി: സൈന്യത്തില്‍ ജോലി വാഗ്ദാനം ചെയ്ത് 5 ലക്ഷം രൂപ തട്ടിയെടുത്തുവെന്ന് കാട്ടി കഴിഞ്ഞ മേയില്‍ ഡല്‍ഹി പൊലീസിന് ലഭിച്ച് പരാതിയുടെ അടിസ്ഥാനത്തില്‍ നടത്തിയ അന്വേഷണത്തിലാണ് ഒരു ഉദ്യോഗാര്‍ഥിയില്‍ നിന്ന് 5 ലക്ഷം രൂപ വരെ വാങ്ങിയ നടത്തുന്ന നാലംഗ റാക്കറ്റിനെ ഡല്‍ഹി ക്രൈംബ്രാഞ്ച് പിടികൂടിയത്.
കേസ് അന്വേഷിക്കാനായി ഡല്‍ഹി ക്രൈംബ്രാഞ്ച് പ്രത്യേക സംഘത്തെ നിയോഗിച്ചു. യോഗീന്ദര്‍ എന്നയാളാണ് സംഘത്തലവനെന്നും ഹരിദ്വാറില്‍ സന്യാസിയുടെ വേഷം കെട്ടി ഇയാള്‍ ഒളിവില്‍ താമസിക്കുകയാണെന്നും രഹസ്യവിവരം ലഭിച്ചു. ഇതിന്റെ അടിസ്ഥാനത്തില്‍ നടത്തിയ തെരച്ചിലില്‍ യോഗീന്ദര്‍ കുടുങ്ങുകയായിരുന്നു. കായികക്ഷമത പരീക്ഷ നടത്തിയ ശേഷം ഉദ്യോഗാര്‍ഥികള്‍ക്ക് വ്യാജ നിയമന സര്‍ട്ടിഫിക്കറ്റും ഇവര്‍ നല്‍കിയിരുന്നതായി തെളിഞ്ഞിട്ടുണ്ട്.
യോഗീന്ദറിനെ ചോദ്യം ചെയ്തതിന്റ അടിസ്ഥാനത്തില്‍ മൂന്ന് പേരെ കൂടി പിടികൂടി. ഏജന്റുമാരെ നിയോഗിച്ചായിരുന്നു ഉദ്യോഗാര്‍ഥികളെ വലയിലാക്കിയിരുന്നത്. നിലവില്‍ 5 പരാതികളാണുള്ളതന്നും പ്രതികളെ ചോദ്യം ചെയ്തതില്‍ നിന്ന് തൊഴില്‍രഹിതരായ കൂടുതല്‍ പേരെ തട്ടിപ്പിനിരയാക്കിയതായി മനസ്സിലായിട്ടുണ്ടെന്നും പോലീസ് വ്യക്തമാക്കി.
