നയനയുടെ മരണത്തിൽ ആത്മഹത്യ സാധ്യത തള്ളികളയാതെ ഫൊറൻസിക് സർജൻ

തിരുവനന്തപുരം : നയനയുടെ മരണത്തിൽ ആത്മഹത്യ സാധ്യത തള്ളികളയാനാകില്ലെന്ന് മുൻ ഫൊറൻസിക് സർജന്റെ മൊഴി. ക്രൈം ബ്രാഞ്ചിനാണ് ഡോ.ശശികല മൊഴി നൽകിയത്. മരണ കാരണം കഴുത്തിനേറ്റ ക്ഷതമാണ്. നയനയുടെ മൃതദേഹത്തിൽ കഴുത്തിൽ ഉരഞ്ഞ പാടുകളുണ്ടായിരുന്നു. മൃതദേഹത്തിന്റെ സമീപം കണ്ടെത്തിയ പുതപ്പ് ഉപയോഗിച്ച് ഈ പാടുകൾ ഉണ്ടാക്കാം. മൃതദേഹം കിടന്ന മുറി താൻ സന്ദർശിച്ചിരുന്നു. അന്ന് കതകിന്റെ കുറ്റി അൽപ്പം പൊങ്ങിയ നിലയിലായിരുന്നു. നയനക്ക് ആക്സിഫിഷ്യോ ഫീലിയ ഉണ്ടോയെന് അറിയണമെങ്കിൽ നയനയുടെ ജീവചര്യകൾ മുഴുവൻ മനസിലാക്കണം. നയനയുടെ മൃതദേഹം കോൾഡ് ചേമ്പറിൽ കയറ്റുന്നത് 2019 മാർച്ച് 24 ന് പുലർച്ചെ 2.30 നാണ്. ഇതിന് 18 മണിക്കൂർ മുമ്പ് മരണം സംഭവിച്ചു വെന്നും ഡോക്ടറുടെ മൊഴിയിൽ പറയുന്നു.