തിരുവനന്തപുരം: സംസ്ഥാനത്തെ ഭക്ഷ്യ സുരക്ഷാ പരിശോധനകള് കര്ശനമായി തുടരുമെന്ന് ആരോഗ്യമന്ത്രി വീണാ ജോര്ജ്. പരിശോധനകള് നിര്ത്തില്ലെന്നും സംഭവങ്ങളുടെ അടിസ്ഥാനത്തില് മാത്രമല്ല
പരിശോധനകള് നടക്കുക അത് നിരന്തരം ഉണ്ടാകുമെന്നും വീണാ ജോര്ജ് പറഞ്ഞു.
ഭക്ഷ്യ സുരക്ഷയ്ക്കായുള്ള കലണ്ടര് പരിഷ്ക്കരിച്ചിട്ടുണ്ട് . പൊതുജനങ്ങള്ക്ക് പരാതികള് ഫോട്ടോ ഉള്പ്പെടെ അപ്ലോഡ് ചെയ്യാനുള്ള സൗകര്യമുണ്ടാകും. പൊതുജനങ്ങളുടെ പരാതികളനുസരിച്ചും പരിശോധനകളും തുടരുമെന്നും മന്ത്രി വ്യക്തമാക്കി.
സംസ്ഥാനത്ത് കൂടുതല് ഭക്ഷ്യ സുരക്ഷാ ലാബുകള് ആരംഭിക്കുമെന്നും ആരോഗ്യമന്ത്രി പറഞ്ഞു . നിലവില് 14 ജില്ലകളിലും മൊബൈല് ഭക്ഷ്യ സുരക്ഷാ ലാബുകളുണ്ട്. മൂന്ന് ജില്ലകളില് റീജിയണല് ലാബുകളുമുണ്ട്. ഇതിനു പുറമെ പത്തനംതിട്ടയിലും കണ്ണൂരിലും ഭക്ഷ്യ സുരക്ഷാ ലാബിന്റെ നിര്മാണം ഉടന്
ആരംഭിക്കുമെന്നും മന്ത്രി കൂട്ടിച്ചേര്ത്തു.