ലക്ഷദ്വീപ് നിവാസികള്‍ക്ക് ഭക്ഷ്യകിറ്റ് നല്‍കണം; ഹൈക്കോടതിയില്‍ ഹര്‍ജി

കവരത്തി: ലക്ഷദ്വീപ് നിവാസികള്‍ക്ക് ലോക്ക്ഡൗണ്‍ അവസാനിക്കുന്നത് വരെ ഭക്ഷ്യകിറ്റുകള്‍ നല്‍കണമെന്ന് ആവശ്യപ്പെട്ട് ഹൈക്കോടതിയില്‍ ഹര്‍ജി. ദ്വീപ് നിവാസികള്‍ക്ക് ഭക്ഷ്യ കിറ്റുകള്‍ വിതരണം ചെയ്യാന്‍ അഡ്മിനിസ്‌ട്രേഷന് നിര്‍ദ്ദേശം നല്‍കണമെന്നാണ് ഹര്‍ജിയിലെ ആവശ്യം.

ലോക്ക്ഡൗണ്‍ മൂലം ദ്വീപിലെ 80 ശതമാനത്തോളം ആളുകളും ഉപജീവനമാര്‍ഗങ്ങള്‍ മുടങ്ങിയ സ്ഥിതിയില്‍ ആണെന്നും ഹര്‍ജിയില്‍ പറയുന്നു. ലക്ഷദ്വീപ് വഖഫ് ബോര്‍ഡ് അംഗം കെ കെ നാസിഹ് ആണ് ഹൈക്കോടതിയെ സമീപിച്ചത്.

 

Top