കോയമ്പത്തൂര്‍: ദുരൂഹസാഹചര്യത്തില്‍ ഒരു കുടുംബത്തിലെ അഞ്ച് പേരെ മരിച്ച നിലയില്‍ കണ്ടെത്തി. കോയമ്പത്തൂരിലാണ് സംഭവം. ഇവര്‍ ആത്മഹത്യ ചെയ്തതാകാനാണ് സാധ്യതയെന്ന് പോലീസ് നിഗമനം.
വീട് പൂട്ടിയിട്ടിരിക്കുന്നതായി ശ്രദ്ധയില്‍ പെട്ട അയല്‍ക്കാരന്‍ ജനാലയില്‍ക്കൂടി നോക്കിയപ്പോഴാണ് ഒരാള്‍ തൂങ്ങിനില്‍ക്കുന്നതായി കണ്ടത്. ഇയാളാണ് പൊലീസിനെ അറിയിച്ചത്.പൊലീസ് സ്ഥലത്തെത്തി വാതില്‍ പൊളിച്ച് അകത്ത് കടന്നപ്പോള്‍ നാല് മൃതദേഹങ്ങള്‍ കൂടി കണ്ടെത്തുകയായിരുന്നു.
ഗൃഹനാഥനും ഭാര്യയും രണ്ട് മക്കളും അമ്മയുമാണ് മരിച്ച അഞ്ച് പേര്‍. ഇവരില്‍ ഗൃഹനാഥന്റെ ഒഴികെയുള്ള ശരീരങ്ങള്‍ തറയിലാണ് കിടന്നിരുന്നത്. കുടുംബാംഗങ്ങള്‍ക്ക് വിഷം നല്‍കിയതിന് ശേഷം ഗൃഹനാഥന്‍ തൂങ്ങിമരിച്ചതാകാനാണ് സാധ്യതയെന്ന് പൊലീസ് പറയുന്നു.
