തിരുവനന്തപുരം: സംസ്ഥാനത്ത് കനത്ത മഴയ്ക്ക് സാധ്യത. അടുത്ത അഞ്ച് ദിവസം ശക്തമായ മഴ ലഭിക്കുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചു.
തിരുവോണ ദിനമായ നാളെ പത്തനംതിട്ട, ഇടുക്കി മലപ്പുറം ജില്ലകളിലും, മറ്റന്നാള് കൊല്ലം, പത്തനംതിട്ട, ഇടുക്കി, മലപ്പുറം, വയനാട് ജില്ലകളിലുമാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഇവിടങ്ങളില് 24 മണിക്കൂറില് 64.5 മുതല് 115.5 വരെ മില്ലിമീറ്റര് മഴ ലഭിക്കുമെന്നാണ് അറിയിപ്പ്.