തിരുവനന്തപുരം: നെയ്യാറ്റിന്‍കരയില്‍ യുവതി വീടിനുള്ളില്‍ പൊള്ളലേറ്റ് മരിച്ചു. കാട്ടലുവിള സ്വദേശി ദേവികയാണ് മരിച്ചത്. ഇവരുടെ ഭര്‍ത്താവ് ശ്രീജിത്തിനെ ഗുരുതരാവസ്ഥയില്‍ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ഇന്ന് പുലര്‍ച്ചെയോടെയാണ് അമരവിളയില്‍ വീട്ടിനുള്ളില്‍ ദമ്പതികളെ പൊള്ളലേറ്റ നിലയില്‍ അയല്‍വാസികള്‍ കണ്ടെത്തുന്നത്. നിലവിളിയും ബഹളങ്ങളും കേട്ട് അയല്‍വാസികള്‍ ഓടിയെത്തുകയായിരുന്നു. ദേവിക സംഭവസ്ഥലത്തുവച്ചു തന്നെ മരിച്ചു. ഭര്‍ത്താവ് ശ്രീജിത്തിന്റെ നില ഗുരുതരമായി തുടരുകയാണ്.
വീടിനു മുന്നില്‍ നിര്‍ത്തിയിട്ട കാറിനുള്ളില്‍ ഇവരുടെ അഞ്ചുവയസുള്ള കുട്ടിയെ കണ്ടെത്തി. അമരവിളയില്‍ കുറച്ചുനാളുകളായി ഇവര്‍ വാടകയ്ക്ക് താമസിക്കുകയായിരുന്നു. ആത്മഹത്യാ ശ്രമമെന്നാണ് പൊലീസിന്റെ പ്രാഥമിക നിഗമനം.
